【台北三天兩夜】話走就走！北部3日2夜文青輕旅行！

今次要介紹嘅景點全部都坐捷運紅色線就可以到達，絕對慳錢又慳力，3日2夜都可以好盡興！ ◎三天兩夜行程規劃. DAY1, 桃園機場→星空草原→四 ... 最後更新日期：2020-06-24byAsiaYo 港澳人去台灣，多數都以北部為主，皆因大台北地區交通便利，又多適合時下年青人的好去處。

雖則話去得多北部其實都幾悶，但作為主要旅遊區，近年台北附近確係愈來愈多新興景點，例如今次會講到嘅星空草原，老實講去多幾次都唔怕厭！無連假唔緊要，一於禮拜五請半晝假，嚟個話走就走嘅3日2夜輕旅行。

今次要介紹嘅景點全部都坐捷運紅色線就可以到達，絕對慳錢又慳力，3日2夜都可以好盡興！ ◎三天兩夜行程規劃 DAY1 桃園機場→星空草原→四四南村→象山夜景→台北住宿推薦 DAY2 北投［北投圖書館—地熱谷—北投市場—水月道場］→淡水［英專路夜市—金色水岸公園（日落）］→台北住宿推薦 DAY3 淡水［淡水老街—小白宮—紅毛城、英國領事館—真理大學、牧事樓咖啡館—漁人碼頭］→台北住宿推薦 ◎交通總花費：台幣$546=港幣$144 ◎桃園機場ßà台北市區｜交通工具總整理 機場捷運開通前，來往桃機同市區主要搭客運同的士。

機捷開通後，直達車到市區只需約35分鐘，價錢亦十分貼地，只要價台幣160元，港幣50蚊有找！來往台北同機場又多個選擇喇！ 小編個人就偏好去程搭客運，回程搭機捷。

因為去時一般唔趕時間，坐客運邊睇風景邊聽歌亦幾relaxed，回程要趕機，夠快又可以預辦登機的機捷當然係首選！   DAY1｜桃園機場——星空草原——四四南村——象山夜景——民宿 由桃園機場搭捷運抵達台北車站，行兩步就可以轉乘捷運紅色線（淡水信義線）。

今次小編精選的行程全部唔洗轉線，一條線搭到尾，慳時間慳錢又慳力！到達台北車站，首先可以搭火車去八堵，計埋搭接駁車，只需40分鐘左右就到星空草原。

之後兩個景點亦都係順住紅色線行，唔洗轉線亦唔洗搭返轉頭，絕對唔浪費一分一秒！     ▍星空草原 2016年開幕的星空草原，重現梵谷名畫StarryNight，在草地上用近百萬個廢棄膠樽打造大型地景藝術，絕對是話題之作。

今年園區大改造，將膠樽換成廢棄光碟，效果一樣突出，光碟在陽光照射下產生偏光反射，夜晚則有燈光秀。

無論日頭定夜晚去都別具特色！ ☞交通：行李不多的話，由桃園機場到達台北車站，即可搭火車前往八堵站再轉乘免費接駁車前往。

  在Instagram查看這則貼文   WillNgai（@williengai）分享的貼文於PDT2016年7月月8日下午1:55張貼 ▍四四南村 眷村是早期國民政府遷台後興建的建築群。

「四四南村」經過一系列整修，住宅內部被改建成文物館同展演空間，成為台灣第一個眷村古蹟。

穿梭係復古風平房之間，會有種返左去50年代的感覺。

☞交通：搭乘捷運紅色線往象山方向，於台北101/世貿站落車步行約15分鐘即到達。

  在Instagram查看這則貼文   吳若汎（@s09285515）分享的貼文於PDT2020年5月月29日下午7:58張貼 ▍象山 位於市區、交通便利的象山可算觀賞台北夜景最佳地點，更是台劇《我可能不會愛你》大仁哥同又青姊約會的地方。

一出捷運象山站就到達象山親山步道。

步道主要由階梯組成，有多條路線，其中信義路五段的登山路線最快，到山頂只需約30分鐘，沿途有好多觀景平台，望下景休息下，話咁快就到！ ☞交通：由四四南村步行約15分鐘即到達登山口。

  在Instagram查看這則貼文   林汶樺｜AskieLin（@askiebaby）分享的貼文於PDT2020年5月月24日上午9:59張貼 ▍象山附近落腳推薦 睇完夜景爬完山咁攰，應該都唔想周圍走，最好梗係係附近落腳！事不宜遲，就等小編介紹幾個係正附近既優質民宿比大家啦！ F台北窩在101旁 離步道入口僅10分鐘、離台北101站僅5分鐘距離！附近有101、阪急百貨、華納威秀、新光三越、誠品書店、知名夜店及酒吧，如果爬完山仲有體力，不妨周圍行下，感受下台灣的夜生活。

公寓備有多種房型，設備應有盡有。

雙人房台幣$1200起，只需港幣$300左右，非常抵住！ ::click我睇更多信義區住宿::   F101世貿好丘民宿 由登山口步行約15分鐘，離台北101站約5分鐘，位置相當方便。

房間窗戶可以看得到101，公寓後邊就係夜市，幾夜都好，一落街就有野食！主人開設冰店多年，賣傳統地道冰品，住客到店更送一人一碗！ ::click我睇更多信義區住宿::   台北101MRT悠閒溫馨旅站 離象山雖然有少少距離，但勝在夠大夠闊落！同前兩間住宿有點不同，以整層住家形式租出，有超大客廳，兩間雙人房及一間和室，共可住7人，一晚約港幣$800，湊夠7個，一人只需100蚊多D！最岩一家大細或三五知己約埋去旅行。

公寓裝修雅致，設施應有盡有，而且由房間望出去就見到101！ ::click我睇更多信義區住宿:: DAY２｜北投［北投圖書館—地熱谷—北投市場—水月道場］——淡水［英專路夜市—金色水岸公園（日落）］——民宿 講到北投，一定第一時間諗到溫泉。

北投是台灣溫泉史源頭，1896年，日本大阪商人平田源吾在此設立臺灣第一家溫泉旅館「天狗庵」。

但好多人唔知，其實除左溫泉，北投仲有好多值得去的景點，比如體現綠色建築美學的北投圖書館、硫磺煙瀰漫的地熱谷同可以食到平民美食的北投市場！以下介紹的景點都係新北投站附近，而且全部步行可達。

    ▍北投圖書館 2012年獲為「全球最美25座公立圖書館」之一，是全台灣首座綠建築圖書館，建築材料以木材為主，四周被林木包圍，相當有特色，唔睇書都可以去行下影下相，相當寫意。

  在Instagram查看這則貼文   Vanihuang（@vanilla0925）分享的貼文於PDT2020年6月月22日下午7:51張貼 ▍地熱谷 北投溫泉源頭之一，長年彌漫硫磺煙霧，睇落似地獄，甚至有「地獄谷」之稱，是日據時代台灣八勝十二景之一。

地熱谷水質屬鹽酸酸性泉，PH值約1.6，又俗稱「青磺泉」，溫泉口水溫達98℃，水溫極高。

早年有民眾失足燙傷，現時設有欄杆，大家遊覽時都記得小心！   在Instagram查看這則貼文   兆洋?ZHAO-YANG（@kvenguo）分享的貼文於PDT2020年6月月13日上午1:52張貼 ▍北投市場 其實除左夜市，好多人忽略左，其實市場亦有好多地道平民美食的地方！雖然環境可能唔似餐廳咁靚，但絕對可以食到最local既野！北投市場可能好多人未聽過，但絕對是極多平民小食的聚集地。

行到攰攰地，都差唔多食晏，就等小編同大家推薦四間市場附近必食的古早味小店啦！ ❶矮仔財魯肉飯、黃家酸菜滷肉飯 矮仔財魯肉飯號稱全台最好食的魯肉飯，經常都大排長龍，除左好食之外，全因佢CP值極高！肥瘦均衡的手剁肉燥，加上濃郁醬汁，再配少少酸菜，一碗只需$25，即港幣6蚊雞！雖則份量不大，但加個小菜啱啱好。

小菜價錢由港幣3蚊到15蚊不等，嗌多幾味都完全無負擔！ ☞地址：台北市北投區新市街30號 ☞營業時間：6:30AM-1:30PM，逢周一公休 另外一間黃家酸菜滷肉飯則是當地人熱捧的隱藏美食，主打酸菜飯，酸酸甜甜的酸菜搭配滷肉，啱啱好解到豬肉的咸膩，簡直超開胃。

唔夠飽的話，仲可以嗌多碗小菜或湯。

價錢一樣好接受，細滷肉飯一樣港幣6蚊雞，大嘅港紙9蚊有找。

住慣港澳，可以用咁嘅價錢食到一餐，都咪話唔幸福！   在Instagram查看這則貼文   YummyDay美味日子（@yummyday_tw）分享的貼文於PDT2020年3月月30日上午3:00張貼   在Instagram查看這則貼文   PureTaste|JennyLin（@pure.taste_）分享的貼文於PST2019年11月月4日上午8:23張貼     ❷簡記排骨酥麵 台灣的排骨係將醃過的豬肉蒸完再裹上麵粉炸，同港澳蒸排骨的概念有少少唔同，但一樣好食有特色！呢間簡記排骨酥麵的排骨蒸得相當軟爛，輕輕一咬就散開，湯底用上冬瓜熬煮，非常清甜，加上胡椒調味，非常惹味。

另外呢間的乾麵亦值得一推，醬料是古早味紅醬，好多地方已經食唔到！價格方面，雖然唔及前兩間咁親民，細嘅一碗要價18蚊港幣，但對港澳人士嚟講絕對平價！   在Instagram查看這則貼文   萊恩美食日常(Ryan)台北美食、高雄美食（@ryan.food）分享的貼文於PDT2019年4月月23日下午8:35張貼 ☞地址：台北市北投區新市街47號 ☞營業時間：7:00AM-7:30PM，逢周二公休 ❸上全肉羹、漢奇肉羹 肉羹是台灣代表菜色之一，醃好的豬肉裹上魚漿滾水煮熟，再加落麵、湯羹裡面，是非常簡單的平民美食。

北投市場附近最出名的肉羹有兩間，分別係上全同漢奇。

一間係原店老師傅傳承的老味道，另一間是徒弟另起爐灶，味道特色各有千秋。

比較之下，上全較接近古早味，湯底較濃，肉羹亦較大粒；漢奇湯底則比較清淡，價格亦較低，足足比上全平10蚊台幣！ ◎上全肉羹——   在Instagram查看這則貼文   肥到深處無怨油~徐天麟（@gary_hsutienlin）分享的貼文於PDT2018年4月月6日上午1:56張貼 地址：台北市北投區光明路新生巷6號 營業時間：6:00AM-2:30PM ◎漢奇肉羹——   在Instagram查看這則貼文   反派暴食女子??‍♀️（@evileater_）分享的貼文於PDT2020年3月月25日下午7:50張貼 地址：台北市北投區光明路48號 營業時間：6:30AM-3:30PM，逢周二公休 ❹陳家挫冰 北投市場另一間排隊名店就是陳家挫冰，佢地配料相當多樣，且每樣都相當出色！燒仙草、豆花、挫冰都係必點品項，加四樣料都只係$50，絕對大碗夾抵食。

網友大推佢地嘅地瓜同芋圓，煮得夠晒稔。

☞地址：台北市北投區新市街22之1號 ☞營業時間：2:00PM-1:00AM   在Instagram查看這則貼文   ReikoChen（@reiko0403）分享的貼文於PDT2015年6月月18日上午8:18張貼 ▍水月道場 食飽飽最啱就係散散步，促進消化。

位於北投法鼓山農禪寺的水月道場，是近年新興的拍照熱點。

道場由著名建築師姚仁喜設計，概念來源於聖嚴法師之言.：「空中花，水中月」。

道場建於一面大湖之上，景物倒影互相映襯，無論是朝早或夜晚去，景色都相當優美。

☞地址：台北市北投區大業路65巷89號 ☞開放時間：9:00AM-4:00PM ☞交通：由北投市場出發的話，可搭乘302或821號公車，於大業路落車，步行4分鐘即達。

  在Instagram查看這則貼文   YoungChen（@import_young.gallery）分享的貼文於PDT2020年6月月13日上午2:33張貼     ▍北投à淡水｜日落、夜市 行夠睇飽，差唔多到黃昏，Lunch又差唔多落膈，係時候出發去同一條捷運線可達的淡水，睇日落食晚餐喇。

一出捷運站，右手邊就係英專路夜市，去夜市買定一堆小食，就可以出發去隔離嘅淡水金色水岸公園，邊食晚餐，邊睇日落！ ☞交通：由水月道場搭公車返捷運附近，再搭向淡水方向，於尾站淡水站落車。

由1號出口出嚟，左邊就係英專路夜市，而捷運站後邊就係金色水岸公園。

▍英專路夜市特色美食Top3 ❶沙茶羊肉 呢個無招牌的沙茶牛肉是英專路夜市出名的隱藏版美食，超級專一，只賣沙茶羊肉同白飯。

空心菜同羊肉落鑊快炒，配濃郁沙茶醬加蒜頭、辣椒，惹味至極，稱得上撈飯神物，一碗白飯絕對唔夠！ ☞地址：博愛街4號 ☞營業時間：5:00PM-11:00PM   在Instagram查看這則貼文   Seats:SabahFoodDirectory（@seats.my）分享的貼文於PDT2019年6月月10日下午11:16張貼 ❷沙拉船&甜甜圈 老實講，沙拉船係小編嚟台灣後覺得都幾奇怪的台灣小食之一，但奇怪得嚟又真係好有特色，因為除左台灣之外，真係未係其他地方見過！沙拉船源自基隆夜市，而家一般夜市都會見到佢影蹤。

沙拉船睇落就似「齋版」既熱狗，只係入面唔放香腸，而係一堆生果同蔬菜，做法係先將炸過的麵包加上火腿、蕃茄、小黃瓜及魯蛋等等，再淋上沙拉醬，又稱「營養三明治」。

攤位仲有賣甜甜圈，姐係俗稱的冬甩，只要價3蚊雞港幣，非常抵食。

☞地址：英專路49號附近 ☞營業時間：唔固定，睇老闆心情   ❸阿伯仔臭豆腐 聽到臭豆腐有D人可能覺得驚驚地，小編剛來台灣時都係咁，淨聞到都覺得頂唔順，但一次偶然食到脆皮臭豆腐，從此就愛上左～～初嘗炸豆腐的話，個人覺得脆皮比蒸的好接受，畢竟炸的有油香味，多少掩蓋到部分臭味。

呢間臭豆腐係夜市的巷仔內，非常不起眼，但非常受當地人歡迎，豆腐都是在樓上先炸好，再拎落樓下，所以會一路見到有人上上落落，豆腐分脆皮同素食，全部都係即點即做，大概需要等10分鐘。

☞地址：英專路61-1號 ☞營業時間：休假會於粉專公布   ▍淡水金色水岸 講到淡水日落，好多人都第一時間諗到漁人碼頭。

其實係正捷運站隔離的金色水岸公園，亦係睇夕陽的好地方。

最緊要旁邊就係夜市，食飽就睇，睇飽就食，相當寫意。

  在Instagram查看這則貼文   Lynn?（@lynn_yean）分享的貼文於PST2019年11月月14日上午6:38張貼 ▍英專路夜市附近住宿 F悠閒淡水-度假旅晨 位置極好，約3分鐘到捷運站同夜市。

套房設備多元，除左有洗衣機同烘衣機外，仲備有27吋大ACER電腦螢幕、獨立音響同32吋液晶大電視！2人房一晚只需$1400（即港幣$360），房間雖唔算太大，但夠晒整潔，兼有對外窗，通風極好。

F淡水老街河畔民宿 充滿異國風情的民宿，客廳的擺設、家具，都是主人旅行印度、泰國等東南亞國家時帶返嚟，成個空間充滿異國的慵懶氣息。

民宿提供一間雙人房，加床只需比多港幣$100左右。

為響應環保，民宿僅提供沐浴乳及洗髮精，住客要留意下喇。

FLoveBIKE-單車窩 民宿主人是單車旅行愛好者，係旅行過程中發現住宿可以識到好多朋友，於是打造左呢間單車窩！民宿係淡江大學旁邊，雖然唔近捷運站同夜市，但非常靜局，啱晒鐘意安靜的朋友。

雙人房含獨立衛浴一晚只需$950（港幣$244），相當抵住！ DAY3｜淡水［淡水老街—小白宮—紅毛城、英國領事館—真理大學、牧事樓咖啡館—漁人碼頭］——桃園機場 玩淡水小編最推薦方式就係步行，由淡水捷運站出發往漁人碼頭方向的話，景點順序為淡水老街、小白宮、真理大學、紅毛城、漁人碼頭，唔洗乘坐任何交通工具，用兩隻腳就幾乎玩晒成個淡水！行到攰就食下野搵間Café坐下，食飽抖夠再上路，都算係舒服的旅行方式。

▍淡水老街｜小食、手信推介 出發去各景點前，一於去老街覓食先。

老街好多小食都開好早，做早餐啱啱好！講到手信，除左街知巷聞的鐵蛋，仲有好多其他有特色嘅野。

一於為大家推薦幾樣必試小食同手信，食飽先夠精神周圍玩既～ ▍現烤古早味蛋糕 充滿傳統風味的即烤古早味蛋糕！新鮮出爐、口感綿密，有淡淡雞蛋同麵粉香味，簡單得嚟夠特別，非常有台灣特色，好少係港澳見得到。

蛋糕有原味同芝士兩種，即食或者打包當手信都一流。

現時老街最出名的古早味蛋糕有兩間，分別是源味同緣味，兩間各有特色，口味亦唔同，不妨都試下。

◎源味本鋪現烤蛋糕—— 地址：新北市淡水區中正路8巷2-1號 營業時間：8:00AM-10:00PM ◎緣味現烤古早味蛋糕—— 地址：新北市淡水區中正路8巷4號 營業時間：8:00AM-6:30PM   在Instagram查看這則貼文   JackieQ.（@foodiequqi）分享的貼文於PST2019年12月月29日上午1:39張貼 ▍淡水老牌阿給 阿給呢個名聽落都好神秘，其實即是豆卜包粉絲。

做法是將豆卜入面挖空，塞入滷好的粉絲，再用魚漿封好。

淡水聲稱自己係原創老店的好多間，其實正宗創始店是位於真理街6之1號的淡水老牌阿給！各種朋友千奇唔好去錯，難得去一次，當然要試最正宗嘅！ ☞地址：新北市淡水區真理街6之1號 ☞營業時間：5:00AM-3:00PM   在Instagram查看這則貼文   Junzyじゅんずぃ（@junzytw）分享的貼文於PST2019年12月月25日下午6:14張貼 ▍許義魚酥 眾多魚酥店中，呢個算係相當多好評，GoogleMap上面評分達4.3！魚酥做法是將魚去頭去尾，連骨同肉一齊搗爛，加上地瓜粉同獨家配料，再切條落鑊炸，有原味同辣味兩種。

除左魚酥，仲有賣甜不辣、旗魚條、紅糟鰻等等熟食，買包一路行一路食最啱。

☞地址：新北市淡水區中正路184號 ☞營業時間：6:30AM-5:30PM   在Instagram查看這則貼文   LazyMAMA??台灣直送（@lazymamatw）分享的貼文於PDT2020年5月月26日上午8:08張貼   ▍淡水｜古蹟、景點 淡水是新北市最多古蹟的地方！由老街向真理街方向行，沿路都係古蹟，可以探下險，沿途見到乜有興趣就入去睇睇，唔一定下下要睇住張地圖，旅行都可以好free！此外，紅毛城、小白宮同另外幾個無介紹到的景點都可以用同一張門票通行，非常抵玩！   ▍小白宮（前清淡水關稅務司官邸） 建於1862年的西班牙風格殖民地式建築，將19世紀維多利亞時代的紅磚鄉村及印度熱帶建築的拱廊結合，有特色得嚟又有歷史，經過不妨入去睇下。

☞地址：新北市淡水區真理街15號 ☞開放時間：週一至週五09:30至17:00；週六至週日09:30至18:00 ☞門票：TWD$80（HKD$21）※一張門票可暢遊紅毛城、小白宮(前清淡水關稅務司官邸)、滬尾礮臺   在Instagram查看這則貼文   KevinYang（@kevinyang0303）分享的貼文於PDT2020年5月月15日下午10:28張貼 ▍紅毛城、英國領事館 台灣現存最古老的古蹟之一，於1628年由西班牙人所建。

園區內有荷西時期、清治時期及日治時期的建物，主要參觀的建築有兩棟：紅毛城主樓同英國領事官邸。

當時台灣人稱西班牙人為紅毛番，所以稱該地叫紅毛城。

現時城內有九面旗，代表紅毛城一共經過9個國家統治，分別係西班牙、荷蘭、明鄭、清朝、英國、日本、澳大利亞、美國、中華民國，相當有歷史性，絕對值得一遊！ ☞地址：新北市淡水區中正路28巷1號 ☞開放時間： 室內展場—週一至週五09：30至17：00 　　　　　週六至週日09：30至18：00 戶外展場—4月至10月延長開放時間到22：00 ☞門票：TWD$80（HKD$21）※一張門票可暢遊紅毛城、小白宮(前清淡水關稅務司官邸)、滬尾礮臺   在Instagram查看這則貼文   ChuangYiChun（@chuang1028）分享的貼文於PDT2020年6月月9日下午9:48張貼   ▍真理大學、牧師樓古蹟庭園咖啡 由傳教士馬偕博士所創立的真理大學亦是非常著名的景點之一，內有幾個建築相當值得一睇，分別是大禮拜堂同牛津學堂。

大禮拜堂是仿歌德西班牙風紅磚教堂，而牛津學堂則是結合台灣傳統建築同基督教教義風格的四合院。

兩個建築都非常典雅，春天時更有櫻花，千奇唔好錯過！ 真理大學仲有一個私房景點。

牧師樓建於1909，是一棟美麗的紅磚拱形迴廊建築，現為庭園咖啡，環境相當優美，餐點亦不會太貴。

老闆熱愛藝術，自己畫畫之餘，仲經常為新晉藝術家提供場地搞展覽。

◎真理大學—— 地址：新北市淡水區真理街32號 ◎牧師樓古蹟庭園咖啡—— 營業時間：10:00AM-7:00PM   在Instagram查看這則貼文   @travelrtw0427分享的貼文於PDT2018年4月月4日上午5:00張貼 ▍漁人碼頭 如果班機夠晏的話，小編真心建議去漁人碼頭睇埋日落食埋晚餐再走！位於淡水河出海口，漁人碼頭的日落相當出名！係木棧道或情人橋上面睇日落真係超級浪漫！晚餐的話，附近除左有好多海鮮餐廳，亦有好多景觀餐廳可以邊食晚餐邊睇夕陽，好似德國農莊TeaBar同WaterBay海岸景觀餐廳。

  在Instagram查看這則貼文   Jonathan（@jonathan201001）分享的貼文於PDT2019年8月月12日上午4:00張貼 DAY1｜桃園機場→星空草原→四四南村→象山夜景→台北住宿推薦→(…看更詳細行程介紹) DAY2｜北投→淡水→台北住宿推薦→(…看更詳細行程介紹) DAY3｜淡水→台北住宿推薦→(…看更詳細行程介紹) 小編身邊好多朋友出左社會做野，就真係好難抽身去旅行。

尤其是啱啱入社會既新鮮人，攞假有時真係難過登天。

但幾忙都真係要抖下，比自己充下電。

台灣離港澳咁近，班機又咁多，要都市有都市，要自然有自然，都實在係好理想嘅旅行地點。

錢搵極都搵唔晒，人一世物一世，一於趁後生去多啲旅行，睇下唔同地方既風光啦！ 《AsiaYo的5大好處》 ✔️ 免服務費： AsiaYo 只收清潔費跟房源價格、不收服務費。

（台灣房間不收清潔費） ✔️ 免刷卡手續費：使用國外訂房平台通常會被銀行扣1-2%海外刷卡手續費，但 AsiaYo 跟你們一樣是歹丸郎，所以免啦！ ✔️ 網路評價最真實：每間房型都會提供旅客的評價，是好是壞一目瞭然。

✔️ 中文化介面：相較其他訂房網使用線上翻譯軟體，AsiaYo 直接由台灣人翻譯成中文，避免訂房上的誤會。

✔️ 不怕找不到房東：AsiaYo 有中文客服，不用害怕語言不通，有問題也都可以用電話、LINE、WeChat聯繫哦！ 你可能會想看： 文青輕旅行－台北旅遊三天兩夜行程推薦！ TOP10台北景點！打卡必去之台北旅遊景點推薦！ 【Top10台灣溫泉攻略】ft.北投溫泉＆礁溪溫泉 入夜花燈超吸睛！2019台灣北、中、南燈會全攻略(含地點) 【超人氣北投溫泉】精選北投溫泉feat.北投溫泉飯店、住宿懶人包！ Previous 【曼谷】廊曼／素旺那普機場到市區，秒懂交通攻略！ Next 【小琉球三天兩夜】超充實行程大攻略！超美小琉球住宿推薦！ Abouttheauthor .kohjingjia 最新折扣！ AsiaYoAPP AsiaYo.com 你要去哪裡？    訂房就上AsiaYo！ 訂閱AsiaYoBlog輸入E-mail獲取最新旅遊資訊及超值優惠！[email protected]送出活動快報！ AsiaYo粉絲頁 AsiaYo 網友推薦 https://www.youtube.com/watch?v=3-0MXbGoq7E Facebook Google+ Twitter MENU 首頁 台灣 北部 基隆 台北 桃園 新竹 中部 苗栗 台中 南投 彰化 南部 雲林 嘉義 台南 高雄 屏東 宜花東離島 宜蘭 花蓮 台東 澎湖 金門 馬祖 日本 東京 大阪 京都 福岡 沖繩 北海道 韓國 首爾 釜山 濟州島 泰國 曼谷 芭提雅 普吉島 清邁 蘇美島 香港 香港島 新馬 新加坡 馬來西亞 吉隆坡 檳城 親子旅遊 台灣親子 日本親子 韓國親子 主題旅遊 獨家旅遊攻略 溫泉旅遊 櫻花旅遊 滑雪旅遊 露營 宜蘭露營 苗栗露營 新竹露營 台中露營 南投露營 花蓮露營 Back