【讀者投稿】《Final Fantasy VII Remake》簡易完成最後任務 ...

以目前為止係未知有幾多DLC 既情況下，《Final Fantasy VII Remake》既Late Game Content 係比以前既FF系列小好多，目前為止只係得最高機密哩個Quest ... 【讀者投稿】《FinalFantasyVIIRemake》簡易完成最後任務最高機密06’13’心得攻略 BySnakie002on2020-04-21 大家好，又係我Snakie何師傅，多謝各位對之前文章既支持，謝謝你。

小弟爆左一周目之後又係米德加行左40個鐘，終於完成白金之旅，可以放低個手制回歸返現實世界。

以目前為止係未知有幾多DLC既情況下，《FinalFantasyVIIRemake》既LateGameContent係比以前既FF系列小好多，目前為止只係得最高機密哩個Quest係比較有難度之外，同以前既紅綠寶石同UltimateWeapon都係未有得比。

既然得一個Boss就要玩殘佢，今次就分享一個快速完成最高機密哩個Quest既方法，由於時間尚早，同樣地先比一個SpoilerAlert劇透警告，以下內容含有劇透及爆機後內容，請自斟酌服用。

  講到咁神秘，睇黎比戰鬥報告我地解既模擬器小朋友應該早晚會有相關既大Boss比我地打。

好我地開始進入主題。

開通最高機密需要先全清遊戲中所有鬥技場任務，其中包括第九章同第十四章既古留根尾鬥技場，同埋爆機後第十七章既神羅摸擬器，全清之後就會開到最高機密。

需要留意既係，第九章既古留根尾鬥技場，只有一個空檔位可以用Aerith打，就係打完地獄屋之後出左鬥技場再即刻落返去，如果先去左搵主線任務的話，Aerith就會離隊之後就再無空檔可以用Aerith打第九章既鬥技場，結果就會好似小弟咁最後打左三次第九章先知自己漏左。

  第九章亦都係囉Aerith既第２招Limit技，漏左就無架喇。

哩個任務主要係連續攻略之前既召喚獸，包括濕婆，肥雞，水蛇，巴哈火神，最後就會打一部好似HULKBUSTER既傲慢巨怪零號機。

小弟第一次打既時侯都係硬橋硬馬直接開打，好勉強用左20分鐘先打得嬴，經過一番研究同爬文之後，只要對症下藥其實可以輕鬆攻略，最好成績係6分13秒，詳見影片：  下面係上面影片既裝備同珠珠既配置： Cloud裝備配置： 破甲大劍（全物攻滿等），連結手鐲，全力護腕（力量１０％） 快捷鍵設定：奮力快攻，高速連斬，無盡終結，反擊架式 Tifa裝備配置： 金屬指虎（全物攻滿等），力量手環，全力護腕（力量１０％）< 快捷鍵設定：秘技解放，空翻踢，正拳，增驅 Aerith裝備配置： 秘銀長杖（全魔攻滿等），力量手環，白金耳環（魔力１０％） 快捷鍵設定：聖魔法陣，中雷電，（另兩隨意）   Cloud魔晶石配置： 提昇ＨＰ＊２，提昇ＡＴＢ，招式高手，ＡＴＢ連結，強化防禦 屬性Ｘ烈焰，復活，回復（以備不時之需） Tifa魔晶石配置： 提昇ＨＰ＊２，先發制人，ＡＴＢ增幅，復活，（招式高手或提昇ＡＴＢ選一） 範圍化Ｘ時間，屬性Ｘ烈焰 Aerith魔晶石配置： 吸收ＭＰＸ雷霆，魔法追擊Ｘ雷霆，提昇ＨＰ＊２ 魔幻＊２，復活，烈焰 打嬴左之後就會有個飾品諸神黃昏，一入戰就滿Limit，而且儲Limit既速度亦都會加快好多，所以建議想囉白金既朋友先打左哩個Quest入手左諸神黃昏之後先再開始白金之旅。

如果用諸神黃昏打最高機密的話會再快一分鐘左右，只係囉左個Item之後都已經唔係好想見到佢。

  可以比無條件任出Limit，的確係FF系列黎講係較為小見‧ 小評一下：承上題，究竟Hard難度有冇挑戰性？ 經過左長達１０個小時既掛機之後（詳見哩篇掛機教學），小弟都差不多升飽曬d珠珠，仲有諸神黃昏，諗住可以極速又順暢咁去虐殺返之前既Boss同關卡，可惜發覺原來都係會比人玩死‧事關小怪既血量相對上比Normal唔會差太多，再加上我地既武器同珠珠都已經升到好盡，打小怪係同無雙差唔多‧然而Boss級敵人既功擊力同血量都有相對既改動，變左打起上黎就算9999血都好易比人Combo幾下就屈死左。

而且愈後章數既Boss，可以硬打既可能性係愈黎愈低，必需要有一定既打法同對隻王既熟悉先可以打嬴，絕對承接返小弟之前既估計，真係Hea少少都會由嬴變輸！   昇盡曬所有野都係會比人玩死個感覺係難受既。

Hard難度最後既錫菲羅斯，頭幾次打會覺得同Normal既出入好大。

白金方面個人覺得做得剛剛好，未有太多太苛刻既要求，大部份既收集都可以係二周目Hard難度入面順手收集(全新娘除外，哩個係有囉黎搞)，76小時連掛機時間既白金時間，《FinalFantasyVIIRemake》係時間控制上的確係操控得好好，可以係玩家未有太大既作業疲勞之前打卡收工休息一下。

  人權圖一張，終於可以抖抖。

劇情及故事既改動，小弟就唔作任何猜想，畢竟就好似大家係遊戲未出既時侯都估唔到SE會咁大膽用哩個方向同改動去搞FF7哩個最強IP，同樣地我地當年係FF15推出既時侯都無估到會咁失望，所以真係咩都有可能發生。

究竟有生之年會唔會玩到整部FF7既重製，同埋老玩家們都知道原版後期Tifa既劇情同表現先係令人刻骨銘心，SE會係下一部重製版上點樣再一次呈現出Tifa既屈機，先係小弟最大既期待！   Tifa之後既表現無論係網上SearchEngine還是第二章第三章都係好值得期待！ 白金過後，可以放低個手制，打埋哩篇文，然後唔知做嘜好喇。

多謝大家收睇，同樣地有咩問題同改善希望可以指點一下，謝謝你。

BySnakie002何師傅   VJGamer遊戲殿   Snakie002 澳洲毒撚，沉迷遊戲三十載。

無實力唯有用毅力，推崇「用心打機，享受遊戲」宗旨。

我得，你都得！ 追蹤 Facebook 更多文章 網站 熱門文章 【遊戲介紹】八人合作生活冒險《CoreKeeper》挖礦打怪耕種建造極多遊玩要素by五木【遊戲新聞】《八方旅人》團隊全新戰略RPG《TRIANGLESTRATEGY》2022年3月上架by神婆【遊戲攻略】《EldenRing》最多新手問嘅問題玩乜職要升級要點乜一文解答by五木【遊戲新聞】《EldenRing》全資訊地圖上線包含道具武器戰技頭目位置by五木【遊戲介紹】實用技巧及小知識《EldenRing》新手老手皆適用無劇透解說by森麻【PR】PCGamePass遊戲更新・仲有D.I.C.E.遊戲大獎得獎作品byVJGamer【遊戲新聞】PS5存檔有機會消失《EldenRing》出現大量問題將盡快修復by五木【遊戲新聞】工作室設於烏克蘭首都基輔《S.T.A.L.K.E.R.2》宣佈暫停開發直至戰勝為止by神婆【遊戲新聞】對NPC的每個決定都會影響結局《ELEXII》開放世界科幻RPG明春上架by神婆【遊戲評測】對新手最友善一集《EldenRing》同時亦係最具挑戰性最易棄坑一集by森麻 標籤雲 AMOC Batman Blizzard BrickHeadz BrickHeadzLEGO eldenring Gundam HarryPotter hearthstone IronMan LEGO LEGOAMOC legoharrypotter LEGOIdeas LEGOMOC legostarwars LEGO Technic marvel Mezco MOC MonsterHunter MONSTERHUNTERWORLD monsterstrike Netflix Nintendo NintendoSwitch overwatch PC PlayStation4 PlayStation5 Pokemon ps5 SDCC Spider-man starwars xboxgamepass XboxOne XboxOneX xboxseriesx 中國節日主題產品 刺客教條 小島秀夫 怪物彈珠 爐石 爐石戰記 Facebook 追蹤我們 RSS 文章訂閱 ↑VJGamer