家族親戚關係稱呼表〔廣東話版〕 | XsDen -- 天南地北，講乜都得

阿爺〔 祖〕－〔父系〕阿爺／爺爺，阿嫲／嫲嫲〔祖父母〕。

－〔母系〕阿公／公公，阿婆／婆婆〔外祖父母〕。

阿爸〔父親〕－老竇，老頭子，爸爸，爹哋。

導航 家族親戚關係稱呼表〔廣東話版〕 文化台 稱呼 廣東話資料館 0 2 14615 載入緊更多帖文 從舊到新 從新到舊 最高票數 回覆 喺新帖文回覆 登入後回覆 此主題已被刪除。

只有擁有主題管理權限嘅使用者先可以睇。

S sudo Citi 最後由sudo編輯 1條回覆 最後回覆 回覆 引用 0 :   0 0 S sudo Citi 最後由編輯 https://cantonesemuseum.blogspot.com/2018/01/blog-post_23.html 喺華人嘅傳統文化入面，〔親戚〕或者〔親屬〕，係指因為有〔婚姻〕或者〔血緣〕同人類個體連成嘅社會關係，父母、兄弟姊妹等等嘅〔親屬〕又叫〔親人〕或者〔家人〕，其他嘅就叫做〔親戚〕。

親屬關係嘅記錄最早係先秦嘅典籍［爾雅］第四章嘅〔釋親〕。

古代唐朝學者孔穎達對親戚嘅註解係〔親指族內，戚言族外〕，所謂〔族內〕係指父系同宗嘅人，以男性為中心，包括宗族內嘅男性同佢哋嘅配偶，但係唔包括已經出嫁咗嘅女性同佢哋嘅配偶。

到咗現代，有專家就將依家嘅人嘅親戚或親屬關係分為〔血親〕、〔姻親〕同〔配偶〕。

＊＊ ＊〔血親〕 直系血親：［父系］ 〔鼻祖〕－〔始祖〕始創人。

　　　　　　－係祖宗十八代嘅嘅第一代。

　　〔遠祖〕－〔始祖〕接班人。

　　〔太祖〕－〔係指曾祖嘅曾祖嘅父母〕。

　　〔列祖〕－〔列祖列宗〕，就係呢一個嘞！ 　　〔天祖〕－〔係指阿爺嘅阿爺嘅父母〕。

　　〔高祖〕－〔父系〕太太爺，太太嫲〔高祖父母〕。

　　　　　　－〔母系〕太太公，太太婆〔外高祖父母〕。

太爺〔曾祖〕－〔父系〕太爺，太嫲〔曾祖父母〕。

　　　　　　－〔母系〕太公，太婆〔外曾祖父母〕。

阿爺〔　祖〕－〔父系〕阿爺／爺爺，阿嫲／嫲嫲〔祖父母〕。

　　　　　　－〔母系〕阿公／公公，阿婆／婆婆〔外祖父母〕。

阿爸〔父親〕－老竇，老頭子，爸爸，爹哋。

阿媽〔母親〕－老母，老媽子，媽媽，媽咪。

阿仔〔兒子〕－父母之下男性嘅第一代。

又叫〔仔〕、〔囝〕。

阿女〔女兒〕－父母之下女性嘅第一代。

又叫〔女〕、〔囡〕。

　孫〔孫兒〕－父母之下男女嘅第二代。

　　　　　　　依性別又分〔孫仔〕、〔孫女〕。

　　　　　　　有時候〔孫〕係一種唔分性別嘅稱呼。

　息〔曾孫〕－父母之下嘅第三代，又叫〔重孫〕。

　　　　　　　廣東話通常讀〔室〕。

　　〔玄孫〕－父母之下嘅第四代。

　　〔來孫〕－父母之下嘅第五代。

　　〔昆孫〕－父母之下嘅第六代，又叫〔晜孫〕。

　　〔仍孫〕－父母之下嘅第七代。

　　〔雲孫〕－父母之下嘅第八代。

　　〔耳孫〕－父母之下嘅第九代。

＊＊ 旁系血親：［父系長輩］ 阿伯〔伯父〕－仔女對阿爸嘅阿哥嘅稱呼。

　　　　　　　大哥叫〔大伯〕，二哥叫〔二伯〕，三哥叫〔三伯〕... 阿姆〔伯母〕－仔女對阿伯嘅老婆嘅稱呼。

　　　　　　　通常叫〔伯娘〕，又有分〔大伯娘〕，〔二伯娘〕，〔三伯娘〕... 阿叔〔叔父〕－仔女對阿爸嘅細佬嘅稱呼。

　　　　　　　通常叫〔叔叔〕，又有分〔二叔〕，〔三叔〕...〔細叔〕。

阿嬸〔嬸母〕－仔女對阿叔嘅老婆嘅稱呼。

　　　　　　　通常叫〔嬸嬸〕，又有分〔二嬸〕，〔三嬸〕...〔細嬸〕。

阿姑〔姑姑〕－仔女對阿爸嘅姐妹嘅稱呼。

　　　　　　　姐姐叫「姑媽」，妹妹叫「姑姐」。

姑丈〔姑父〕－仔女對姑媽同姑組嘅老公嘅稱呼，都係一樣咁叫法。

＊＊ 旁系血親：［母系長輩］ 舅父〔舅舅〕－仔女對阿媽嘅兄弟嘅稱呼。

　　　　　　　又有分〔大舅父〕，〔二舅父〕，〔三舅父〕...〔細舅父〕。

　　　　　　　如果佢嘅年紀比自己細嘅就叫〔舅父仔〕。

妗母〔舅母〕－仔女對舅父嘅老婆嘅稱呼。

有啲人會叫〔舅媽〕。

阿姨〔姨姨〕－仔女對阿媽嘅姐妹嘅稱呼。

　　　　　　　姐姐叫〔姨媽〕，妹妹叫「阿姨」或者〔姨姨〕。

姨丈〔姨父〕－仔女對姨媽同阿姨嘅老公嘅稱呼。

都係一樣咁叫法。

＊＊ 旁系血親：〔自己同輩〕 親〔兄弟姐妹〕－仔女對父母嘅仔女嘅稱呼。

又叫〔兄弟姊妹〕。

　　　　　　　　係指有相同〔父親〕同〔母親〕嘅人。

堂〔兄弟姐妹〕－仔女對父系旁系血親長輩〔伯、姆、叔、嬸〕仔女嘅稱呼。

　　　　　　　　有啲地方喺講嘢同介紹嘅時候係唔講個「堂」字。

表〔兄弟姐妹〕－仔女對父系旁系血親長輩〔姑〕仔女嘅稱呼。

　　　　　　　　對母系旁系血親長輩〔舅、妗、姨〕仔女嘅稱呼。

＊＊ 旁系血親：〔自己晚輩〕 侄　〔仔女〕－兄弟對兄弟嘅仔女嘅稱呼。

　　　　　　　男嘅叫〔侄仔〕，女嘅叫〔侄女〕。

姪　〔仔女〕－姐妹對兄弟嘅仔女嘅稱呼。

　　　　　　　男嘅叫〔姪仔〕，女嘅叫〔姪女〕。

外甥〔仔女〕－兄弟對姐妹嘅仔女嘅稱呼。

　　　　　　　男嘅叫〔外甥〕，女嘅叫〔外甥女〕。

姨甥〔仔女〕－姐妹對姐妹嘅仔女嘅稱呼。

　　　　　　　男嘅叫〔姨甥〕，女嘅叫〔姨甥女〕。

＊＊ ＊〔姻親〕 家公〔公公〕－老婆對老公嘅阿爸嘅稱呼。

　　　　　　　又叫〔家翁〕，有時直叫〔阿爸〕，有啲地區又叫〔老爺〕。

家婆〔婆婆〕－老婆對老公嘅阿媽嘅稱呼。

　　　　　　　又叫〔家姑〕，有時直叫〔阿媽〕，廣東地區又叫〔奶奶〕。

外父〔岳父〕－老公對老婆嘅阿爸嘅稱呼。

　　　　　　　有時直叫〔阿爸〕或者〔嗲哋〕。

外母〔岳母〕－老公對老婆嘅阿媽嘅稱呼。

　　　　　　　有時直叫〔阿媽〕或者〔媽咪〕。

新婦〔媳婦〕－父母對阿仔嘅老婆嘅稱呼。

　　　　　　　廣東話通常係讀〔新抱〕或者〔心抱〕。

女婿〔女婿〕－父母對阿女嘅老公嘅稱呼。

阿嫂〔兄嫂〕－細佬細妹對阿哥嘅老婆嘅稱呼。

　　　　　　　大哥嘅叫〔大嫂〕，二哥嘅叫〔二嫂〕，三哥嘅叫〔三嫂〕... 弟婦〔弟媳〕－阿哥家姐對細佬嘅老婆嘅稱呼。

姐夫〔姊夫〕－細佬細妹對姐姐嘅老公嘅稱呼。

　　　　　　　大姐嘅叫〔大姐夫〕，二姐嘅叫〔二姐夫〕，三姐嘅叫〔三姐夫〕... 妹夫〔妹婿〕－阿哥家姐對妹妹嘅老公嘅稱呼。

＊＊ 姻親：〔妯娌〕 妯娌，係兄弟嘅老婆之間嘅互相稱呼或者合稱。

輩份大嘅妯娌會直接叫細嘅妯娌嘅名，對外人介紹就講：佢係我嘅〔細嬸〕； 輩份細嘅妯娌會稱呼大嘅妯娌做〔阿嫂〕或〔大嫂〕，對外人介紹就講：佢係我嘅〔阿嫂〕。

＊＊ 姻親：〔連襟〕 連襟，係姐妹嘅老公之間嘅互相稱呼或合稱。

連襟又叫〔襟兄弟〕、〔連橋〕，廣東人多數合稱叫〔老襟〕。

大伯〔大伯〕－對老公嘅哥哥嘅稱呼。

叔仔〔小叔〕－對老公嘅弟弟嘅稱呼。

姑奶〔大姑〕－對老公嘅姐姐嘅稱呼。

姑仔〔小姑〕－對老公嘅妹妹嘅稱呼。

大舅〔內兄〕－對老婆嘅哥哥嘅稱呼。

舅仔〔內弟〕－對老婆嘅弟弟嘅稱呼。

大姨〔姨姐〕－對老婆嘅姐姐嘅稱呼。

姨仔〔小姨〕－對老婆嘅妹妹嘅稱呼。

＊＊ 姻親：［儭家］ 儭家，係指自己仔女結婚之後，同對方父母之間嘅互相稱呼或合稱。

女方儭家有時為客氣，會降級尊稱男方儭家為［儭家老爺］同［儭家奶奶］。

另外，自己兄弟姊妹嘅［老爺奶奶］同［外父外母］或佢哋嘅高堂，亦都同您有姻親嘅關係，可以稱呼做［姻世伯］同［姻伯母］，又或者係［姻老爺］同［姻奶奶］。

＊＊ 姻親：〔繼親〕 繼親，都係親屬嘅一種，係是指生父同生母離異或者父母其中一個死咗之後，仔女跟住其中一個，而佢再結婚嘅配偶對於仔女嘅關係就係叫〔繼父〕或〔繼母〕。

繼父〔後父〕－或〔晚爹〕，俗稱〔後抵公〕。

繼母〔後母〕－或〔晚娘〕，俗稱〔後抵乸〕或〔後仔乸〕。

繼子〔後仔〕－俗稱〔油瓶仔〕或〔油艇仔〕。

繼女〔後女〕－俗稱〔油瓶女〕或〔油艇女〕。

繼［兄弟姐妹〕－係〔繼父／母〕同〔生父／母〕喺結婚之前同其他人所生嘅仔女。

　　　　　　　　俗稱〔拖油瓶〕或〔拖油艇〕，基本係冇直接血緣關係嘅。

　　　　　　　　而之後所生嘅仔女就叫〔同異／父母〕嘅兄弟姐妹。

　　　　　　　　例如係：〔同父異母〕嘅哥哥，〔同母異父〕嘅妹妹。

＊＊ ＊〔配偶〕 配偶，係指婚姻關係、民事結合、同居伴侶關係、普通法婚姻之中嘅伴侶。

呢啲係個冇特定性別嘅詞，通常男性配偶叫做〔丈夫〕、女性配偶叫做〔妻子〕。

所以，呢個詞無論係多元性別或者係單元性別嘅異性關係或者同性關係，都可以適用。

一對夫妻通常會係一齊生活，一齊養育仔女，組成為一個家庭單位嘅。

老公〔丈夫〕－結咗婚嘅女人對自己伴侶嘅稱呼。

　　　　　　　近代多數叫〔先生〕，〔老公〕。

　　　　　　　傳統嘅就叫〔相公〕、〔官人〕、〔夫婿〕、〔夫君〕等。

　　　　　　　但係有人亦唔鍾意用呢個稱呼，因為喺清朝嗰時， 　　　　　　　喺京城嗰啲妓女對啲太監〔公公〕嘅蔑稱做〔嫪公〕。

老婆〔妻子〕－結咗婚嘅男人對自己伴侶嘅稱呼。

　　　　　　　有啲地方叫〔太太〕，近代多數叫〔老婆〕。

　　　　　　　傳統嘅就叫〔娘子〕、〔夫人〕。

＊＊ ＊〔其他〕 契親：［契親家］ 契親，又叫〔乾親〕，或俗稱〔契字輩〕，係一種人際關係，結契親、拜契親又叫〔上契〕、〔結誼〕。

「誼」係指情誼，「契」係指契約，係指兩個或以上冇血緣關係嘅人結為一種擬似親屬嘅關係，彼此之間用親人嘅感情維繫，可以係長輩同晚輩，又可以係同輩。

通常都係友上加親嘅居多，亦友亦親，關係比一般嘅遠親同一般嘅朋友更密切，同輩嘅結契又叫做〔結拜〕、〔結義〕、〔換帖〕等。

契爺〔乾爹〕－又叫〔契爸〕；〔乾爸〕或者〔乾爺〕 契媽〔乾娘〕－又叫〔契娘〕，〔乾媽〕一般都係契爺嘅老婆 契仔〔乾兒〕－ 契女〔乾女〕－ 契哥〔乾哥〕－ 契姐〔乾姐〕－ 契妹〔乾妹〕－ 契弟〔乾弟〕－喺香港，冇乜人想畀人咁叫，如果叫〔契細佬〕就會好啲啲 ＊＊ 過繼：〔過嗣〕 過繼，又叫做〔過房〕、〔過嗣〕，係傳統宗族觀念入面嘅一種〔收養〕行為。

大多數係為咗延續男性繼承人而做嘅。

當一個家庭需要後嗣嘅時候，就喺宗族或者其他親屬入面，收養一個仔或女，用嚟維持祭祀香火或者男性繼承人。

就算呢個男性無仔送終，家族仍然可以為佢選一個嗣子，做成親生仔嘅關係。

有啲地方生咗細路仔難養〔多病等〕，都會搵個〔人〕或〔神明〕嚟過繼〔形式上〕，認為咁樣個細路就會好養啲。

過繼〔達〕－或者直叫〔爸、爹〕等 過繼〔娘〕－或者直叫〔媽、娘〕等 過繼〔兒〕－ 過繼〔女〕－ ＊＊ 收養：〔領養〕 收養，又叫〔抱養〕、〔領養〕，係指將人哋嘅仔女收嚟做自己嘅仔女。

法律上，收養視同婚生子女嘅一種身分契約關係。

由於收養會將本身冇真實血緣聯係嘅人，擬制具有親生仔女關係，所以收養人同埋被收養人之間又叫做〔法定血親〕或者〔擬制血親〕。

收養人叫做〔養父〕或〔養母〕，被收養人就叫做〔養子〕或〔養女〕；被收養人嘅生父母叫做〔本生父母〕，而對本生父母嚟講，被收養人叫做〔出養子女〕。

仔女出養之後，本生父母嘅親權即處於暫時停止嘅狀態。

養父〔義父〕－ 養母〔義母〕－ 養子〔義子〕－ 養女〔義女〕－ ＊＊ 祖宗十八代 傳統〔十八代〕嘅意思，一般係指父系之中［上九代］同［下九代］嘅宗族成員。

之後，亦畀人引伸加入鬧人嘅用語入面，將人哋嘅家族成員都牽涉當中，用語嘅起源都已經無從稽考。

上九代依序係： 〔鼻祖〕－子女以上嘅上九代。

［祖宗十八代嘅嘅第一代］ 〔遠祖〕－子女以上嘅上八代。

〔太祖〕－子女以上嘅上七代。

〔列祖〕－子女以上嘅上六代。

〔天祖〕－子女以上嘅上五代。

〔高祖〕－子女以上嘅上四代。

〔曾祖〕－子女以上嘅上三代。

〔　祖〕－子女以上嘅上二代。

〔　父〕－子女以上嘅上一代。

下九代依序係： 〔　兒〕－父母之下嘅第一代。

〔　孫〕－父母之下嘅第二代。

〔曾孫〕－父母之下嘅第三代。

〔玄孫〕－父母之下嘅第四代。

〔來孫〕－父母之下嘅第五代。

〔晜孫〕－父母之下嘅第六代。

〔仍孫〕－父母之下嘅第七代。

〔雲孫〕－父母之下嘅第八代。

〔耳孫〕－父母之下嘅第九代。

［祖宗十八代嘅嘅第十八代］ ＊＊ 中文親屬稱呼同英文親屬稱呼 中文嘅親屬稱謂比較細緻，英文嘅稱呼就好簡單，舉個例嚟講： Aunt可以表示〔嬸嬸〕、〔伯母〕、〔舅母〕、〔姑組〕、〔姨媽〕； Uncle可以表示〔叔叔〕、〔阿伯〕、〔舅父〕、〔姨丈〕、〔姑丈〕。

中文嘅親屬稱謂係為咗區分內外同表裡，比如係： 「堂」親，例如〔堂兄、堂弟〕，係同姓家屬，係近親，係家族裡面嘅人； 「表」親，例如〔表哥、表弟〕，係異姓親屬，係遠親，係家族外面嘅人； 「內」親，例如〔爺爺、嫲嫲〕，係同族近親，你阿爸呢邊嘅人，係家族裡面嘅人； 「外」親，例如〔外公、外婆〕，係異族遠親，係阿媽嗰邊嘅人，係家族外面嘅人。

英文嘅親屬稱謂系統逢係唔做呢樣嘅區分。

Grandfather既可以表示〔爺爺〕，又可以表示〔外公〕； Cousin既可以表示〔堂兄、堂弟〕，又可以表示〔表哥、表弟〕。

所以由英語嘅稱呼上睇唔出遠近同表裡，睇唔出親疏關係。

喺古代嘅家族入面，通過稱謂，就可以確定一個人喺家族裡頭嘅地位同身份，所享有嘅權利同要盡嘅義務，呢樣要各人守好自己嘅本分，有利於家族嘅管理，有利於儒家等級制度嘅實施。

而西方人嘅等級觀念同等級制度就冇東方人咁複雜，所以表現喺稱呼上面亦都冇咁複雜同細緻。

＊＊ 譯：蕭南仁．2014年11月 圖：廣東話資料館［最後修正．2014年9月1曰］ ＊＊ https://youtu.be/RfoQh6kooAU(Invidious) 小莫小於水滴，匯成大海汪洋；細莫細於沙粒，聚成大地四方。

＊＊ 香港語文。

廣東話資料館 1條回覆 最後回覆 回覆 引用 0 :   0 0 1/1 最早帖文 最後帖文 相關主題 S 《六國論》蘇洵　講故佬BookTalker 文化台• 六國論 booktalker 粵文 • sudo • 2 1 358 1 未有回覆 事因「堅粵文字」 文化台• 粵文羅馬字 粵文 粵 粵文化 粵文翻譯 • 犀飛利 • • 犀飛利 • • 1 5 1876 5 @親衞隊話時話嘞師兄，我又諗咗下，雖則話我確係憎到蚑那啲死人閪嘢入心入肺，之但係After粵國獨立掗卽刻Ban啲正筆漢文Completely，又好似同隻死人共魔After奪權嘅滅舊立新冇乜兩樣，我諗諗下見覺確係應攞南韓對漢文嘅使法嚟做Reference，譬如話啲過年要使嘅對聯掗噯正筆漢文嚟寫返，又抑或有啲Specific嘢都係攞返正筆漢文嚟做名，抑或寫低之類嘅，跟住呢學校亦要Keep住教曉Citizens嗰啲漢文字Form嘅粵文會使到嘅正筆漢文字「漢文字Form嘅粵文唔會用到嘅啲漢文字掗幾大都唔教」，然之後其他嘅嘢掗多數都係用返我上邊講到嘅「堅粵文字」噉，呢個掗係我個人對粵文嘅Wish，唔知師兄妳又見覺點呢？ S 嚟自有關食物嘅貶義詞 文化台• 廣東話資料館 食物 貶義詞 • sudo • • 薯皮 • • 3 11 577 11 @粵語片語料早晨 點解香港女穆斯林普遍唔帶頭巾 文化台• Helenlam • • sniperglory • • 2 2 1138 2 Salam，我有一次包頭巾去seven買野，有個阿姨話你係印尼華人呀，中文講得咁好既，我話我係土生土長香港人，香港人好易將帶頭巾=南亞裔 田 漢人所講既外西北實際上一直係哈薩克人地方 文化台• 田中 • • setimuni • • 3 12 1591 12 @wetdietOK，也願真主賜福予你與眾多弟兄姊妹，請多啲黎X登講幾句話。

S ［文言虛詞］二十世紀之前嘅通用文體！ 文化台• 廣東話資料館 文言虛詞 • sudo • 1 1 272 1 未有回覆 其實穆斯林都紀念耶穌 文化台• sniperglory • 3 1 1226 1 未有回覆 田 分享一個哈薩克國際通訊社網站 文化台• 田中 • 1 1 1258 1 未有回覆 復興X登第一步 文化台• 陽防 • • 陽防 • • 6 12 1537 12 @親衞隊主要係撞正齋月，讀經入camp搞活動都搞唔切，唔得閒上。

@setimuni阿叔升左職，近排都好忙 @馬智德呢個直頭就係神職人員，齋月上唔到黎 S 對粵語懶音應該持咩態度？ 吹水區• 懶音 粵語 • sudo • • 峨嵋山下 • • 2 5 377 5 峨 我好唔中意懶音，但同意一啲約定俗成嘅就繼續。

我覺得應該修正“laam→男人”“gok→國家”呢啲，但係“gwut→滑稽”就可以唔使。