流動叉電器- 維基百科，自由嘅百科全書

流動叉電器（粵拼：lau4 dung6 caa1 din6 hei3，又叫流動充電器、流動電源、移動電源，中國大陸俗稱充電寶，喺香港又俗稱尿袋、隨叉、隨差，喺澳門稱為奶媽，臺灣叫 ... 流動叉電器 出自維基百科，自由嘅百科全書 跳去導覽 跳去搵嘢 流動叉電器 流動叉電器（粵拼：lau4dung6caa1din6hei3，又叫流動充電器、流動電源、移動電源，中國大陸俗稱充電寶，喺香港又俗稱尿袋、隨叉、隨差，喺澳門稱為奶媽，臺灣叫行動電源、行動充，英文：powerbank），係隻可以隨身袋住隨時幫電子設備叉電嘅產品。

大多數流動叉電器用USB線來幫其它電子設備叉電，之後可以用USB線連落插蘇道來叉返電入去。

目錄 1組成 2主要指標 3註 4參考 5睇埋 組成[編輯] 除咗外殼同接口（有USB、MicroUSB等幾種）之外，一般流動叉電器重會有 可充電池，用來儲電，係流動叉電器嘅核心組件。

電池品種有鎳氫/鎳鎘電池、液態鋰離子電池（經常就噉簡稱鋰離子電池，包括磷酸鐵鋰電池[註1]）、鋰離子聚合物電池（簡稱鋰聚電池，即固態鋰離子電池）等品種，其中鎳氫/鎳鎘電池近年來逐漸被後兩種淘汰。

圓柱形嘅液態鋰離子電池經常被人按照出廠型號簡稱做18650，爾個型號係反映電池嘅大細，即係高65mm，直徑18mm，但係18650電池入面嘅電極材料可以有好多種。

鋰離子電池亦可以係方嘅。

不過總體來講，液態鋰離子電池嘅外形無太多選擇，亦無辦法做到好細嚿。

而鋰聚電池就可以，而且鋰聚電池無漏液嘅風險[註2]。

指示器，用來話畀用戶知電池入面重有幾多電，係叉緊電定係放緊電之類，有LED燈、數碼管同液晶屏等品種[1][2]。

電路板，好多嘢都係靠佢，比如話變壓同穩壓、過載保護、過放/過充保護，同埋令指示器正常工作等等。

新浪科技就將流動叉電器分成三個模塊：電池、電路板同外殼[1]。

主要指標[編輯] 一般嘅流動叉電器都會喺包裝上面明確標示佢嘅一系列指標，包括： 容量，一般用電量表示，單位通常用毫安時（mAh） 工作電壓同電流，分輸出同輸入，分開標示 溫度，大多數流動叉電器衹有喺一定溫度範圍內先可以正常工作，溫度亦會影響下面講到嘅轉換效率 體積、淨重等等 另外，經常提到影響流動叉電器好壞嘅一個指標係轉換效率，即係標示嘅電量有幾多可以真係從流動叉電器流出來（被充電嘅設備本身亦有轉換效率嘅問題，總嘅轉換效率要兩樣夾埋來睇）。

流動叉電器轉換效率去唔到百分百，主要受制於兩樣嘢，第一樣係升壓電路造成嘅電量損失，所有鋰離子電池（無論液態定固態）平均輸出電壓都唔超過3.7伏[註3]，而流動叉電器輸出電壓一般係5伏，用能量守恆原理可以計到升高電壓會令電量最多得返原來嘅74%[3]，爾部分效率由電池本身決定。

第二樣係電路板同指示器嘅能耗等等造成嘅各種內部損耗，爾樣嘢由流動叉電器生產工藝決定。

而決定流動叉電器係勿安全嘅重要指標就係過載、過充/過放、過熱、漏電等等爾啲保護係勿做得好。

註[編輯] ↑從化學角度講，磷酸鐵鋰電池係液態鋰離子電池一種，但係好多時候3C產業裏面提到嘅鋰離子電池係特指鈷酸鋰電池 ↑曾家輝(2014-5-5).〈【專欄】行動電源大揭密（01）-揭穿鋰離子電池大容量的騙局〉.《癮科技》.原著喺2015-06-01歸檔.喺2015-05-21搵到.{{citeweb}}:Checkdatevaluesin:|date=(help)，以及同一系列嘅另外三篇文 ↑好多時候廠家會將電池輸出電壓標示成4.2伏，嗰個係電池充滿電嗰時嘅電壓，唔係平均電壓 參考[編輯] ↑1.01.1〈數碼幫第六期：移動電源那些可以說的秘密〉.《新浪網》.原著喺2015-03-17歸檔.喺2015-05-21搵到.（簡體中文） ↑驅動中國網（北京）(2014-06-19).〈用戶基本知識掃盲:移動電源應該看什麼？〉.《網易》.原著喺2016-03-05歸檔.喺2015-05-21搵到.（簡體中文） ↑天極網(2012-11-21).〈揭示真相：移動電源轉換效率解析(圖)〉.《新華網》.喺2015-05-21搵到.（簡體中文） 爾篇文部分內容由中文維基百科文章行動電源（版本35101134）攞料，並以創意共享之下，署名兼共享版權嘅3.0版本協議授權使用。

原文作者請睇嗰版歷史。

爾篇文部分內容由英文維基百科文章Lithium-ionbattery（版本663216067）攞料，並以創意共享之下，署名兼共享版權嘅3.0版本協議授權使用。

原文作者請睇嗰版歷史。

睇埋[編輯] 轉換插 由「https://zh-yue.wikipedia.org/w/index.php?title=流動叉電器&oldid=1506463」收 屬於1類：電池屬於3隱類：CS1errors:dates有英文嘅文章有中文嘅文章 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 粵語 外觀 閱改睇返紀錄 多啲 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲維基項目 維基同享 第啲話 ČeštinaDeutschEnglishEspañolEestiBahasaIndonesia한국어NederlandsPolskiSimpleEnglishئۇيغۇرچە/Uyghurche中文 改拎