源峰– 香港沙田帝逸酒店的日本菜爐端燒酒店餐廳 - OpenRice

主要菜式包括櫻花蝦沙律, 天婦羅, 壽司套餐, 。

於沙田帝逸酒店內的高級日本料理餐廳，裝修以時尚日式風格為主。

客人可以選擇廚師發辦，或者單點餐點，食物精緻， ... 主頁 餐廳 香港 沙田 源峰 源峰 Mizutani 營業中 休息中 4 4 72食評 味道 環境 服務 衛生 抵食 | 5501 沙田 $801以上 日本菜 爐端燒 廚師發辦 酒店餐廳 複製到剪貼簿 53 4 2 概要 食評(72) 相片(1018) 餐牌 地址 沙田源康街1號帝逸酒店28樓 28/F,ALVAHOTELBYROYAL,1YuenHongStreet,ShaTin 港鐵石門站B出口,步行約8分鐘 繼續閱讀 電話號碼 36531115 開飯介紹 於沙田帝逸酒店內的高級日本料理餐廳，裝修以時尚日式風格為主。

客人可以選擇廚師發辦，或者單點餐點，食物精緻，用料上乘。

繼續閱讀 營業時間 今日營業 12:00-15:00 18:00-22:00 星期一至五 12:00-15:00 18:00-22:00 星期六至日 11:30-15:00 18:00-22:00 公眾假期 11:30-15:00 18:00-22:00 付款方式 Visa Master 現金 AE 銀聯 其他資料 網上訂座 賞訂座積分 更多 收起 更新餐廳資料 有關獎賞計劃 食家推介 壽司套餐 櫻花蝦沙律 天婦羅 相片 +1K 食評(72) 首篇食評作者 olivermachunho 石門omakase delpierotang 等級4 2022-02-17 707瀏覽 石門帝逸酒店staycation既第一晚package$2688包套房連日式omakase晚餐而呢間日本餐廳源峰係酒店頂樓28樓同泳池同一層今晚餐飯聲稱係omakase睇圖就覺得係類似割烹呢類型既料理omakase呢個名而家係香港好似已經變左係高級日本料理既代名詞咁源峰裝修就有d酒吧夜場feel以酒店既日本餐廳黎講呢間源峰係開揚既全落地玻璃之前去過九香間灘萬係完全無景觀可言半島間今佐都係一樣咁除左窗口位仲有我地坐既bar檯位擺盤一般只有張檯墊唔似得之前食灘萬咁會有個盤放係檯面另有紙袋口罩套staycationpackage有寫會送既清酒唔知平時就咁食有無跟另外係研究完先知既濕手巾坐bar檯就可以望到師傅手勢不過因為疫情關係中間就隔開左塊板感覺都幾on居今日招呼我地既係俊師傅網上面話呢度師傅班底係黎自割烹櫓杏既bar檯加上開放底廚房仲見到唔少師傅係度準備食物侍應再比左份今晚既餐牌我地睇招呼係幾好不過感覺就唔算好專業廚師發辦既八道菜自從無得去日本之後而家好似越黎越多餐廳打正旗號叫自己做omakase餐餐都過千蚊起跳可能個利潤真係好大我自己就無咁富貴食到咁豪最多食個吞拿魚刺生丼已經好滿足計埋之前同事請食飯去過元朗壽司之神今次都只係第二次食呢種廚師發辦前菜係綠色植物加三文魚子正正常常之後就一直望住師傅準備其實我呢d毒男食omakase就尷尷尬尬咁除左唔識食仲要扮話比師傅聽好食第二道係刺身右口魚油甘魚同埋赤身正路就係由白魚開始食都算係鮮甜既不過話就話係omakase但其實就一直都係師傅傳比侍應上菜而侍應又唔係好識介紹成件事就好奇怪燒物係帶子兩大粒都幾厚身炸物天婦羅有茄子同蘆筍其中呢件鯛魚唔知係咪就係傳說中既立鱗燒入面d魚肉仲係熱到辣口主菜係壽司六件係成餐飯唯一一道同師傅有交流既地方不過成件事就因為我地同師傅中間相隔左塊膠板師傅要將壽司握好放落兜再遞比我地然後我地食完又要遞個兜比番師傅一來一回係好煩瀨尿蝦深海池魚赤貝小肌唯一一件用手接既吞拿魚最後係右口魚好似係關注組好不屑既火槍其實壽司就應該接過黎就即食既但又想要用唔同機影相件件都就放低左一陣先放得入口連我自己都覺得煩所以我可能真係唔係幾適合去食呢類型既野一來又記唔到師傅講野二來真係食黎食去個感想都係得個鮮字比起食法國菜仲更加複雜想要學習既路真係好漫長埋尾酢物我諗我食多幾多次都唔會鍾意水雲呢種滑sansan既食物味噌湯甜品係蜜桃奶凍同一般既水果甜品唔同有花過心思感覺幾特別臨尾見到師傅係度燒緊和牛唔知係咪聽到女朋友話唔夠飽一陣要食宵夜啦咁可能又忙完師傅即興再整多道菜比我地呢份唔係menu入面既菜式竟然係我最鍾意既雖然只係簡簡單單玉子燒但都砌到四格鴛鴦色再加埋魚子甜甜咸咸好特別即刻令我對源峰加晒分參觀埋個廁所呢間餐廳真係唔無乜日式既感覺可能設計本身就係想同傳統唔同掛話就話係跟package咁最後都有了番隻龜我就睇唔明個set到底係八百定九百八另外計埋杯清酒三十蚊杯但又唔洗加一呢個價錢要比正價既話我就應該唔會考慮不過帝逸除左自助餐就只得日本餐廳同埋中菜廳見到中菜廳搞到成個宴會廳咁完全無意慾想食所以先揀左呢間源峰整體驚喜其實無乜不過師傅都算體貼奈何係餐廳設計要整左塊膠版阻住其實上網睇見之前人地食既餐係無壽司個feel就更加似係會席料理所以如果坐窗邊或者仲更加舒服既侍應斟水次數亦都相當頻密唯獨係有少少機械式既感覺可能始終都唔係頂級酒店既關係啦咁呢一餐其實我都算係滿意架啦起碼對沙田唔適合有高級日本餐廳呢個印像有少少改觀臨走時見到門口有貼左lunch既餐牌個價錢都已經可以同其他五星酒店既日本餐廳睇齊唯獨係個鰻魚飯特別平仲平過銀鱈魚西京燒可能入唔到靚貨掛 繼續閱讀 (以上食評乃用戶個人意見,並不代表OpenRice之觀點。

) 沒有服務可言的omakase Mgwhy510 等級2 2022-02-07 535瀏覽 1.由於要使用會員卡8折，已提前聯絡餐廳但遲遲未收到回覆。

2.用膳前一天打來說12點booking要13:15交枱。

但事前電話確認時無提及過分11:30及13:30兩個時段。

當下問職員omakase係咪只係比客人食一個鐘，然後佢直接建議我可以早過12點黎用膳。

再三詢問先收到另一回覆話啱啱嗰位係新職員將用膳area弄錯。

其實並沒有分時段，亦唔需要急住交枱。

3.當日11:45出𨋢就聽到一位男經理同接待女職員講：你又錯呀？又睇錯嘢呀？（不是指責語氣，感覺男經理都好包容，好似唔覺得嗰位女職員需要進步，都係嘻嘻哈哈，完全冇搭入酒店餐廳嘅氛圍）4.出席後即日於openrice標示我為缺席，再查詢時他堅持自己沒有按錯，是openrice系統問題。

但解決問題方法竟然不是讓openrice馬上修正。

而是著客人重新提交一個假的訂座然後他們馬上給我按出席，還說這是她個人認為最快最好的方法。

總括嚟講，唔係以上係咪同一位女職員啦。

如果係佢真係好需要再培訓。

食物上，正常水準，但唔會有驚喜亦冇服務可言。

（某兩位男女侍應係正常sharp醒有禮貌的，唔明點解level同嗰位女接待爭咁遠） 繼續閱讀 (以上食評乃用戶個人意見,並不代表OpenRice之觀點。

) 廚師發板 蔡老闆娘 等級3 2022-02-03 329瀏覽 食廚師發板，好期待廚師今次整乜嘢食😋佢哋每一款放在枱上都令你覺得好有心思，味道就更加唔話得，沙律菜新鮮、蒸蛋好滑、海膽好正配上三文魚子超好味，每款壽司都好食，刺身又新鮮👍佢個湯好濃好好飲，魚塊就外脆內軟，重有甜品🍮⋯⋯一餐完美嘅句號。

繼續閱讀 (以上食評乃用戶個人意見,並不代表OpenRice之觀點。

) 初體驗的Omakase～ jennyc0927 等級3 2022-01-11 624瀏覽 初體驗のおまかせ💕2022開年就當然要食好d🤤所以今次我就Book左Alva酒店旗下既源峰食LunchOmakase啦🥺因為第一次食Omakase都有少緊張呀🤗首先呢，佢呢度環境都比較高級，高處坐望城門河，不過都比較多人唔係黎食omakase，而係食lunchset既😌我就俾人分到吧檯嗰度，因為可以望師傅整嘢（雖然就好似唔係整俾我）💟Chef’sSpecialOmakase$650前菜——櫻花蝦沙律沙律拎黎清下口先既，有少少和風汁係上面，食落就唔算特別，都可能係為之後做鋪墊😛刺身3切——拖羅、油甘魚、牡丹蝦店員都好細心同我地講要點食法，所以第一次食都好User-friendly既。

咁我地當然由輕食起，先食蝦，厚身而有嚼勁，咬下咬下d蝦味就慢慢散發出黎，好香但係又好清🤗💕接住就係油甘魚。

其實我本身麻麻油甘魚因為少腥，但係食落都完全冇嗰陣腥味，魚香係慢慢滲透落個口，豉油再慢慢提味出黎。

而最後就係最邪惡既拖羅😈油香味絕對冇得話，咬落去有入口即化既感覺，同埋一下子味道蓋過曬啱啱清既油甘魚同蝦，食完真心覺得donki既拖羅搞唔掂🤒茶碗蒸——白松露蒸蛋一打開蓋，松露味就擁到鼻入面，但係食落口就唔似cheap嗰d有石油味（我冇試過貴既松露見諒😂😂，而係巧妙地襯托左香濃既蛋味，但係又不失其獨特嘅韻味，每一口都有驚喜，唔錯。

燒物——燒鰻魚呢度應該算係繼拖羅之外最重口既嘢，因為雖然鰻魚汁好香，但係食咁清嘢既情況下就有d過濃。

如果鍾意重口味既應該幾鍾意呢個，反之亦然🥲不過我都食曬，因為其實係幾好味😂😂😂（本人本身麻麻鰻魚）食完隔離有個梅比你清清口腔準備下一道菜，呢個梅就真係幾好味🤣炸物——四客天婦羅，白子、馬蹄、萵筍、山藥種子雖然係炸物，但係你會發現其實呢道係比較清。

一黎佢炸得油而不膩，二來菜都係蔬菜為主。

不過白子一食落去第一下差d辣親我，因為好熱，但係溶喺口既脂肪感好足。

馬蹄就一般（因為我唔鍾意）、萵筍都清而脆，最後山藥種子既泥感終結呢道菜。

壽司7貫——其實我唔記得有邊幾款🤣🤣其實店員有講過一次，但係淨係記得拖羅、賴尿蝦同赤貝（專登上網搵都冇人記得笑死）赤貝有咬勁，賴尿蝦就一般啦，拖羅大大塊～不遜色於刺身的大塊。

其餘三塊都好味既，但係真係唔記得咩名🤣最後一貫係海膽三文魚籽飯。

海膽味好香好甜，但係如果同三文魚子一齊食就會比三文魚子搶咗味😌不過我覺得都滿意嘅。

甜品——黑糖蜜水信玄餅本身其實係紅豆雞蛋布丁，但係因為我唔食紅豆所以佢幫我轉左呢個。

黑糖伴水信玄餅都好清又唔會好似好甜。

完美結束呢一餐🤗飯後感：其實呢一餐感覺到非常值，因為首先第一環境好好啦喺酒店入邊嘅高級日本餐廳。

第二就係食物嘅CP值都好高，第三就係侍應嘅態度都好好，解釋得比較詳盡，對於第一次食omakase嘅人來講係比較友好。

但係都有唔好嘅一嚟就係覺得唔夠客製化，因為其實你唔知道師傅切緊邊個俾你，第二就係成個菜感覺會比較重口味。

不過除開呢兩樣其實其他都OK，如果有機會會想再嚟試。

繼續閱讀 (以上食評乃用戶個人意見,並不代表OpenRice之觀點。

) 趕時間的午市Omakase ChWi 等級2 2021-12-12 905瀏覽 第一次食Omakase,有朋友介紹帝逸酒店嘅日本餐廳，趁同朋友慶祝生日就係網上訂位，試一試食物質素。

餐廳係頂樓，一排落地大玻璃，環境相當開揚，被安排坐係卡位，相對幽靜適合傾計。

我同朋友兩個人，都係叫左價值650嘅特選壽司廚師發辦。

上菜時店員都會耐心講解食物嘅配搭同食用次序。

櫻花蝦沙律味道不過不失3款刺身分別為油甘魚、拖羅、牡丹蝦，食材新鮮，牡丹蝦鮮甜十足，但肉質偏軟。

拖羅軟滑，但油香味不足，油甘魚魚味相對較濃。

白松露蒸蛋改左做黑松露蒸蛋，蛋質軟滑，出汁鮮味，除左入面有一粒白果同一粒小柱貝，朋友不太喜歡白果的苦味，我嗰粒又唔太食到苦味。

燒魚係兩件鰻魚，配上山椒粉漬物同糖漬楊梅。

鰻魚燒得唔錯，不過兩件分量偏多，加上漬物同楊梅都無法解膩。

面楊梅味道不討人喜歡，用處僅為清新口腔。

緊接燒魚嘅係天婦羅。

呢個編排，令人感覺相當有負擔，畢竟鰻魚唔係一般嘅油膩😅天婦羅有沙錐魚、萵筍、茄子、蕃薯，配上鹽同天婦羅汁。

就咁望上去外層偏油唔夠乾身，食落油膩感不重，而且鬆脆。

其中沙錐魚做得比較好，魚肉夠厚身外層鬆脆，內層多汁。

萵筍就相對清新多汁。

跟住就到7貫壽司，其中一款會用杯上。

整體上非常新鮮，我個人比較喜歡最下面嗰件，不過唔記得左叫咩名味道係幾件入面最甜。

最後一貫係三文魚籽海膽壽司，海膽份量唔少，好creamy，不過味道偏淡，第一啖將所有材料一次過入口，三文魚籽好多，咸鮮味太搶，最後要分開黎食先試得真正嘅味道。

最後就係味噌湯同甜品。

湯係一般湯，有一粒帶殼蜆，味道正常。

甜品係紅豆牛奶布甸，唔太甜，可以清返頭先嘅三文魚籽同湯嘅咸味。

店員講解仔細，食物新鮮，味道/編排上有進步空間，唯以下兩點比較影響用餐體驗。

其中一邊卡位後面就係工作櫃面，員工開櫃閂櫃，放置碗碟都會感受到震動同比較嘈吵。

另外係一開始提到經由網上訂位，引身黎嚟嘅問題。

網上訂位並未有注明用餐時間，訂位時雖然提供左手機號碼同埋電郵，不過並冇即時信息/電郵確認訂位，以及提供用餐細節/注意事項。

直到用餐前一日先會收到電話，並告知用餐時間只有個半鐘，十一點半入坐，一點鐘要交檯。

確實會有啲愕然，因為就算想轉地方都book唔切其他餐廳。

個半鐘食一個午餐已經係比較趕，更加唔好話有咁多道菜嘅Omakase。

食到壽司嗰陣已經12:35，然後突然好趕咁上晒壽司飯、湯、飲品、甜品。

如果有餐廳相關人士睇到，希望佢地可以考慮改善一下預約流程/用餐時間安排。

餐廳環境唔錯，可以有更好安排提升整體體驗。

繼續閱讀 (以上食評乃用戶個人意見,並不代表OpenRice之觀點。

) 顯示全部72篇食評 檢舉此食評 請選擇檢舉類別： 懷疑不實食評 內容含粗言穢語 食評不屬於此店 重覆發表 其他 檢舉理由： 請詳細說明您的檢舉理由，以便查證。

取消 送出 源康街1號帝逸酒店28樓 更正地圖 請使用滑鼠將座標放置在此餐廳的正確位置，然後按"提交"。

您亦可以用"＋"或"－"將地圖調校至最合適的大小。

快速定位: 選擇地區 香港島 九龍 新界 離島 西環 石塘咀 西營盤 堅尼地城 上環 中環 蘇豪 蘭桂坊 半山 山頂 金鐘 灣仔 跑馬地 銅鑼灣 大坑 天后 北角 鰂魚涌 太古 西灣河 筲箕灣 杏花邨 柴灣 薄扶林 數碼港 香港仔 鴨脷洲 深水灣 黃竹坑 淺水灣 石澳 赤柱 美孚 荔枝角 長沙灣 深水埗 太子 旺角 大角咀 油麻地 佐敦 尖沙咀 諾士佛臺 紅磡 何文田 土瓜灣 石硤尾 九龍塘 九龍城 樂富 黃大仙 新蒲崗 鑽石山 慈雲山 彩虹 九龍灣 牛頭角 觀塘 藍田 油塘 鯉魚門 大圍 沙田 火炭 馬鞍山 大埔 太和 粉嶺 上水 羅湖 落馬洲 葵芳 葵涌 荃灣 青衣 馬灣 深井 屯門 元朗 天水圍 流浮山 西貢 將軍澳 寶琳 澳南海岸 坑口 愉景灣 東涌 赤鱲角 大嶼山 大澳 長洲 坪洲 南丫島 蒲苔島 更多資料 提交 此網頁使用cookies給你提升最佳網站體驗。

繼續瀏覽即表示你同意根據我們的私隱政策使用cookies。

同意